«Бавария» матбуот хизмати хабарига кўра, Бундеслиганинг 30-тури доирасида «Арминия»га қарши ўйинда клубнинг бир қанча ўйинчилари иштирок эта олмайди.
Жумладан, Корентин Толиссо, Никлас Зюле, Кингсли Коман ва Лука Эрнандес «немис машинаси»нинг наватдаги тур учрашувларида жамоасига ёрдам бера олмайди.
Зюледан ташқари барча санаб ўтилган футболчилар мушаклари билан боғлиқ муаммоларга дуч келишмоқда. Никласнинг бу баҳсда нега қатнаша олмаслиги сабаби очиқланмаган.
Маълумот ўрнида, «Бавария» 29-турдан сўнг 69 очко тўплаб, турнир жадвалида пешқадамлик қилмоқда.
