Испаниянинг "Барселона" клуби 28 ёшли аргентиналик ҳимоячи Кристиан Ромеро билан шартнома имзолаш устида ишлашни давом эттирмоқда. Инсайдерларнинг маълумотига кўра, футболчининг амалдаги клуби "Тоттенхэм" унинг учун тахминан 60 миллион евро талаб қилмоқда.
"Барселона" мазкур келишувни комбинацияланган вариантда амалга оширишни кўриб чиқмоқда ва Ромеро эвазига "Тоттенхэм"га ўз футболчиларидан бирини қўшимча тўлов билан таклиф қилмоқчи. "Кўк-анорранглилар"нинг асосий мақсади — ҳимоячининг якуний нархини пасайтиришдир.
Кристиан Ромеро 2021 йилда "Аталанта"дан "Тоттенхэм"га ўтганидан бери Лондон клубида тўп суради. Жорий мавсумда ҳимоячи АПЛда 23 та ўйин ўтказиб, 4 та гол урди ва 1 та голли узатмани амалга оширди.
