Флорентино Перес ва Карло Анчелотти жамоанинг трансфер сиёсати ҳақида суҳбатлашишди.

Marca хабарига кўра, Перес ва Анчелотти жума куни ўзаро мулоқот ўтказишган.

Унда "Реал"ни қандай қилиб янада кучайтириш мумкинлиги муҳокама қилинган. Қайд этилишича, Перес мураббийга янги трансферлар амалга ошириш учун фақатгина жамоадаги кераксиз футболчилар сотилсагина амалга ошириш мумкинлигини маълум қилган. Улар ёзда Марсело, Бэйл ва Искони клубдан кетиши борасида аллақачон қарор қабул қилишган.

"Қироллик клуби"нинг трансфер режаларидан "Монако" ярим ҳимоячиси Орлиен Тчуамени ўрин олган. Улар ярим ҳимоячини сотиб олиш орқали Эдуардо Камавинга трансферига ўхшаш харидни амалга оширмоқчи.

Шунингдек, "ПСЖ" ҳужумчиси Килиан Мбаппенинг трансфери ҳам муҳокама қилинган - уни клубдагилар вақт масаласи деб ҳисоблашади.