Англиялик футболчи Иан Райт Криштиану Роналдунинг «Манчестер Юнайтед»даги ўйинига юқори баҳо берди.
Кеча португалиялик футболчи АПЛ 33-туридан ўрин олган «Норвич»га қарши ўйинда (3:2) хет-трик қайд этди.
«Агар «Манчестер Юнайтед»да Роналду бўлмаганида, улар турнир жадвалидаги 5-ўринга яқин ҳам кела олмасди. Бунинг учун унга раҳмат айтиш керак.
Шунингдек, «Манчестер Юнайтед» дарвозасига икки бор тўп киритган «Норвич»ни ҳам алоҳида эътироф этиш керак. Агар «Юнайтед» «Ливерпуль» билан шундай ўйнаса, улар шунчаки парчаланиб кетишади», - деди «Арсенал» ва Англия терма жамоасининг собиқ ҳужумчиси.
Жорий мавсумда 37 ёшли форвард клуб сафида 35 ўйинда майдонга тушиб, 21 гол ва 3 голга ассистентлик қилган.
«Манчестер Юнайтед» айни дамда АПЛ турнир жадвалида 4-ўриндан 3 очко ортда қолиб, 5-ўринда бормоқда.
