«Рома» ёзда ярим ҳимоячи Николо Дзаньолони сотишга тайёр. Италия клуби футболчи учун 50 миллион евро талаб қилмоқда, дея хабар беради Corriere dello Sport.
Италия терма жамоасининг 22 ёшли қанот ҳимоячисига Англиянинг «Тоттенхэм» ва «Ливерпуль» клублари даъвогарлик қилмоқда. Манбага кўра, шахсан Юрген Клоппнинг ўзи Николани ўз жамоасида кўрмоқчи эканлигини таъкидлаган.
Шунингдек, аввалроқ футболчига «МЮ», «Арсенал» ва «Ювентус»дан ҳам қизиқиш борлиги ҳақида хабар берилганди.
Италиялик футболчининг «Рома» билан шартномаси 2024 йилнинг ёзига қадар мўлжалланган. У жорий мавсум А серияда 23 та ўйинда майдонга тушиб, 2 та гол ва 4 та голли узатмага муаллифлик қилган.
