2015-2020 йиллар оралиғида Премьер-лиганинг камида 15 нафар ўйинчисида допинг тести ижобий чиққан. Бироқ уларнинг ҳеч бири дисквалификация қилинмаган, деб хабар беради Daily Mail.
Журналистлар бундай маълумотларни Британия антидопинг агентлигидан (УКАД) олишга муваффақ бўлишди.
Қайд этилишича, ушбу 15 нафар футболчидан 12 нафари самарадорликни оширувчи тақиқланган моддалар бўйича ижобий синовдан ўтган.
Газетанинг ёзишича, 2013 йилдан 2020 йилгача Англия, Шотландия ва Уэлсда турли лигалардан жами 88 нафар футболчи допинг билан ушланган. Тақиқланган моддалар орасида стероидлар, диуретиклар, стимуляторлар, тестостерон кучайтиргичлари бор эди.
88 ҳолатдан UKAD фақат 39 та ҳолат бўйича батафсил маълумотларни тақдим этди. Премьер-лигада ўйнаган 24 нафар футболчидан 15 нафари уч ойдан тўрт йилгача бўлган муддатга дисквалификация қилинди.
