Мадриднинг “Реал” клуби Испания чемпионатида кетма-кет учинчи ғалабасига эришди.
Мураббий Карло Анчелотти жамоаси ўйин давомида 0:2 ҳисобида ортда қолаётган бир вақтда "Севилья"ни охир-оқибат 3:2 ҳисобида мағлуб эта олди.
Мадрид клуби учун бу ғалаба Ла Лигадаги сўнгги 8 учрашувдаги еттинчиси бўлди. Бу давр мобайнида жамоа фақат бир марта – “класико”да “Барселона”га ютқазган (0:4).
Мадриднинг “Реал” клуби Испания чемпионатининг 32-туридан кейин 75 очко билан пешқадамлик қилмоқда.
Жамоа навбатдаги ўйинни 20 апрель куни сафарда "Осасуна"га қарши ўтказади.
