«Норвич» ҳимоячиси Максимилиан Ааронс ёзда АПЛнинг кучлироқ жамоасига ўтиши мумкин. 22 ёшли англиялик футболчининг хизматларига «Арсенал» ва «Манчестер Юнайтед» қизиқиш билдирмоқда, деб хабар беради The Sun.
Манбага кўра, «қизил иблислар» учун Ааронс ўнг қанот ҳимоя позициясига кучайиши учун устувор вариант ҳисобланади. «Канонирлар» раҳбарияти эса аллақачон футболчи билан музокаралар олиб боришмоқда. «Манчестер Юнайтед» ва «Арсенал»ни Ааронс билан узоқ муддатли шартнома имзолашни истамоқда. Максимилианнинг трансфери 24 миллион евро атрофида бўлиши мумкин.
Максимилиан Ааронс жорий мавсумда Премьер-лигада 28 та ўйинда майдонга тушиб, 1 та голли узатмани амалга оширди. Трансфермаркт портали футболчининг бозор қийматини 22 миллион еврога баҳоламоқда.
