«Райо Вальекано»нинг чап қанот ҳимоячиси Фран Гарсия «Реал»га қайтиши мумкин, дея хабар беради Defensa Central.
Манбага кўра, «қироллик клуби» аллақачон ҳамшаҳари билан ҳимоячининг трансфери бўйича музокараларни бошлаб юборган. «Реал Мадрид» Гарсияни мавсум охирида жамоани тарк этиши мумкин бўлган Марселога ўринбосар сифатида кўрмоқда.
Футболчи 2020 йилда «Кастилья»дан «Райо»га ижара асосида ўтган ва 2021 йилдаёқ 2 миллион еврога тўлиқ трансфер амалга оширилганди.Гарсиянинг клуби билан шартномаси 2025 йилгача амал қилади.
Жорий мавсумда 22 ёшли испаниялик футболчи Мадрид клуби сафида барча турнирлар доирасида 33 та ўйинда майдонга тушиб, битта гол ва битта голли узатмани амалга оширди. Трансфермаркт портали футболчининг нархи 5 млн еврога баҳолаган.
