«Ливерпуль» ҳужумчи Садио Мане билан шартномани узайтириш таклифи билан чиқди, дея хабар беради журналист Экрем Конур.
Манбага кўра, янги келишув 2025 йилнинг ёзига қадар амал қилади. Сенегаллик футболчининг мерсисайдликлар билан амалдаги шартномаси келаси йилнинг июнь ойида якунига етади.
30 ёшли ҳужумчи жорий мавсумда АПЛда 41 ўйинда майдонга тушиб, 18 та гол ва 2 та голли узатма амалга оширди. Мане 2016 йилдан бери «Ливерпуль»да ўйнаб келмоқда. Умумий ҳисобда у «қизиллар» сафида 259 та ўйинда майдонга тушиб, 115 та гол урган. Ҳужумчи олдинроқ «Саутгемптон», «Зальцбург» ва «Мец» каби клублар шарафиини ҳимоя қилган.
