"Барселона" ҳимоячиси Жерар Пике ва Испания Қироллик футбол федерацияси (RFEF) президенти Луис Рубиалес коррупцияда айбланди, деб хабар беради El Confidencial.
Манбага кўра, Пике ва Рубиалес Саудия Арабистони расмийларига 24 миллион евролик тўловларни олиш учун босим ўтказишган. Шунда араб давлати Испания Суперкубогини ўтказиш ҳуқуқини қўлга киритган.
Хабар қилинишича, Пике ўзи акциядор бўлган Космос орқали музокараларда ёрдам берган. Бунинг учун Рубиалес ҳимоячига тахминан 6 миллион евро тўлаган.
Испания Суперкубогини Саудия Арабистонида ўтказиш бўйича келишувдан сўнг Испания футбол федерацияси ҳар йили 40 миллион евро олади.
Қолаверса, Рубиалеснинг маоши бир неча баробар ошди. Пике ҳам четда турмади. Келишувдаги иштироки учун у ўзининг Космос компанияси орқали ҳар йили 4 миллион евро олади.
Испания Суперкубоги 2020 йилдан бери Саудия Арабистонида ўтказиб келинмоқда.
