«Манчестер Сити» ярим ҳимоячиси Бернарду Силва «Барселона»нинг нишонига айланди. Бу ҳақда испан нашрлари хабар бермоқда.
Каталония клуби ўтган ёзги трансфер ойнасида ҳам футболчини ўз сафига қўшиб олишга ҳаракат қилган эди. Аммо «шаҳарликлар» бош мураббийи Хосеп Гвардиола португалияликни жамоада қолишга кўндирган. Қайд этилишича, бу ёзда каталонияликлар футболчининг трансфери бўйича музокараларни қайта бошлаш ниятида, бироқ улар Бернарду учун «ПСЖ» билан рақобатлашишига тўғри келади.
Трансфермаркт 27 ёшли футболчини 75 млн еврога баҳоламоқда ва агар «Сити» ўзининг асосий таркиб ўйинчисини сотишга қарор қилса, бу сумма яна ҳам ошиши мумкин.
