«Бавария» ярим ҳимоячи Серж Гнабри билан шартномани узайтириш борасида музокаралар олиб бормоқда.
Немис футболчисининг шартномаси 2023 йилнинг ёзида тугайди ва «Бавария» уни янги шартнома имзолашга кўндиришга ҳаракат қилмоқда. Бироқ, GOAL нашри хабарига кўра, 26 ёшли футболчи ўзи учун қизиқ бўлган барча вариантларни кўриб чиқмоқда ва булар орасида Бундеслига клубини тарк этиш эҳтимоли ҳам бор, чунки унга «Ливерпуль» ва «Реал» каби топ жамоалар қизиқиш билдирмоқда.
«Биз музокаралар олиб бормоқдамиз», — деди «Бавария» директори Оливер Кан Sport1 нашрига. «Серж биз ундан нимани талаб қилаётганимизни яхшии билади»
Қайд этилишича, ярим ҳимоячи ҳамон «Бавария» таклифини кўриб чиқмоқда.
