«Манчестер Юнайтед» ярим ҳимоячиси Бруно Фернандеш автоҳалокатга учради, деб хабар беради Evening Standard.

Манбага кўра, воқеа бугун эрталаб содир бўлган. Фернандеш ва ҳалокатга алоқадор бошқа шахслар жиддий жароҳат олмаган. Қайд этилишича, португалиялик футболчи «қизил иблислар»нинг бугунги машғулотларида иштирок этишни режалаштирган.

Эртага, 19 апрель куни «Манчестер Юнайтед» Англия Премьер-лигаси доирасида «Ливерпуль»га қарши ўйин ўтказади.

27 ёшли Бруно Фернандеш жорий мавсумда «Манчестер Юнайтед» сафида 40 та ўйинда майдонга тушиб, 9 та гол ва 14 та голли узатмани амалга оширди.