«Милан» устози Стефано Пиоли Италия кубоги ярим финали жавоб учрашви доирасидаги «Интер»га қарши баҳс олдидан журналистлар саволларига жавоб берди. Мутахассисдан клуб раҳбариятида бўлиши мумкин бўлган ўзгаришлар ҳақидаги миш-мишлар ҳақида сўрашди. 

«Клуб ҳар доим футболчиларга яқин муносабатда, ҳар доим жамоани қўллаб-қувватлайди. «Милан»нинг ҳозирги ҳолати кучли, келажакда бундан ҳам яхшироқ бўлиши мумкин.

Қанчалик бирдам бўлсангиз, ўйинларда ғалаба қозониш имконияти шунчалик юқори бўлади. Кеча биз бутун жамоа билан биргаликда кечки овқат қилдик. Ажойиб кун ва бу эртанги ўйинга таъсир қилиши мумкин», — дейди мураббий.

«Милан» ва «Интер» Италия Кубогининг жавоб учрашувини 19 апрель куни ўтказади. Биринчи учрашув 0:0 ҳисобида якунланган.