«Милан» бош мураббийи Стефано Пиоли Италия кубоги ярим финали доирасидаги «Интер»га қарши жавоб учрашуви олдидан журналистлар билан суҳбатлашди.
Унинг таъкидлашича, ярим финал ўйини натижаси «Милан»нинг А сериядаги чемпионлик учун курашига таъсир қилмайди.
«Эртага қандай натижа бўлишидан қатъий назар, бу муҳим ўйин бўлади. Чунки «Милан» эртага финалга чиқиши мумкин. А сериядаги чемпионлик бошқа масала. Эртанги натижа қандай бўлишидан қатъий назар, лигада биз барча жамоаларни мағлуб этишга ҳаракат қилишимиз ва охиригача курашишимиз керак», - деди миланликлар устози.
Италия кубоги доирасидаги «Милан дербиси» 19 апрель сешанба куни бўлиб ўтади. Биринчи учрашув 0:0 ҳисобида якунланган эди.
