«Milan» bosh murabbiyi Stefano Pioli Italiya kubogi yarim finali doirasidagi «Inter»ga qarshi javob uchrashuvi oldidan jurnalistlar bilan suhbatlashdi.
Uning ta’kidlashicha, yarim final o‘yini natijasi «Milan»ning A seriyadagi chempionlik uchun kurashiga ta’sir qilmaydi.
«Ertaga qanday natija bo‘lishidan qat’iy nazar, bu muhim o‘yin bo‘ladi. Chunki «Milan» ertaga finalga chiqishi mumkin. A seriyadagi chempionlik boshqa masala. Ertangi natija qanday bo‘lishidan qat’iy nazar, ligada biz barcha jamoalarni mag‘lub etishga harakat qilishimiz va oxirigacha kurashishimiz kerak», - dedi milanliklar ustozi.
Italiya kubogi doirasidagi «Milan derbisi» 19 aprel seshanba kuni bo‘lib o‘tadi. Birinchi uchrashuv 0:0 hisobida yakunlangan edi.
