Катта эҳтимол билан «Милан» футбол клуби яқин орада сотувга қўйилади.
Олдинроқ хабар қилганимиздек, Investcorp инвестиция компанияси раҳбари клуб эгасига айланишга яқин турибди.
La Gazzetta dello Sport нашри хабарига кўра, «Милан» янги эгаси қўлига ўтса, клуб трансферлар учун 300 миллион евро пул сарфлаши мумкин.
Манбага кўра, Баҳрайннинг сармоявий компанияси Италия клубини тахминан бир миллиард еврога сотиб олиш бўйича музокаралар олиб бормоқда.
Хабарларга кўра, «Милан» «Аякс» ҳужумчиси Себастьян Аллер, шунингдек, «Лейпциг» ярим ҳимоячилари Кристофер Нкунку, «Рома» ярим ҳимоячиси Николо Дзаньоло ва «Монако» етакчиси Орельен Тчуамени каби футолчиларга қизиқиш билдирмоқда.
А сериянинг 33-туридан сўнг «Милан» 71 очко жамғариб, турнир жадвалида биринчи ўринда бормоқда.
