Бергамо клуби Чемпионлар лигасисиз футболчиларни сотишга мажбур.
Corriere della Serra "Аталанта"даги катта қайта қуриш ҳақида ёзди. Бунга жамоанинг келаси йили Чемпионлар лигаси йўлланмасини қўлга кирита олмаслиги сабаб бўлган.
Манбага кўра, ёзда сезиларли сотувлар бўлади. Жамоа бир нечта юқори маош оладиган захирачиларга чиқиш эшикларини кўрсатиши мумкин. Улар орасида Миранчук ҳам бор. Шунингдек, сотилиш хавфи остидагилар: Пашалич, Песина, Муриэль, Толои, Паломино ва Малиновский.
Миранчук қишда “Женоа”га кетишга яқин қолганди, бироқ унинг трансфери охир-оқибат амалга ошмай қолди.
