«Манчестер Юнайтед»нинг собиқ футболчиси Рой Кин «қизил иблислар» ҳужумчиси Криштиану Роналдуни қайтариш нотўғри бўлганлиги ҳақида гапирди.

«Умуман олганда, Роналдуни ортга қайтариш тўғри қарор эмас эди, лекин барибир у жамоа ўйинига нимадир олиб келиши мумкин деб ўйлайман ва шундай ҳам бўлди. Аммо унинг қилган ишлари етарли эмас.

Роналду етакчилик хислатларини янада кўрсатиши мумкин, деб ўйлайман. Биламан, у бир-икки марта захирада қолиб кетганида хафа бўлди. У барча ўйинларда тўлиқ ўйнай олмаслиги аниқ, лекин у барибир ажойиб футбол ўйнамоқда - «Тоттенхэм»га қарши ўйин, еврокубоклардаги баъзи ўйинлар ва «Норвич»га қарши баҳс.

Луи ван Гал яқинда «Манчестер Юнайтед» тижорат клуби ва Роналду билан шартнома имзолашдан асосий мақсад, клуб бренди ва акциялар нархи эканини айтганди», - дея фикр билдиради Кин.