«Manchester Yunayted»ning sobiq futbolchisi Roy Kin «qizil iblislar» hujumchisi Krishtianu Ronalduni qaytarish noto‘g‘ri bo‘lganligi haqida gapirdi.

«Umuman olganda, Ronalduni ortga qaytarish to‘g‘ri qaror emas edi, lekin baribir u jamoa o‘yiniga nimadir olib kelishi mumkin deb o‘ylayman va shunday ham bo‘ldi. Ammo uning qilgan ishlari yetarli emas.

Ronaldu yetakchilik xislatlarini yanada ko‘rsatishi mumkin, deb o‘ylayman. Bilaman, u bir-ikki marta zaxirada qolib ketganida xafa bo‘ldi. U barcha o‘yinlarda to‘liq o‘ynay olmasligi aniq, lekin u baribir ajoyib futbol o‘ynamoqda - «Tottenxem»ga qarshi o‘yin, yevrokuboklardagi ba’zi o‘yinlar va «Norvich»ga qarshi bahs.

Lui van Gal yaqinda «Manchester Yunayted» tijorat klubi va Ronaldu bilan shartnoma imzolashdan asosiy maqsad, klub brendi va aksiyalar narxi ekanini aytgandi», - deya fikr bildiradi Kin.