Ёшлар Биринчилиги 7-тур учрашувлари давом этмоқда. Бу ҳақда ЎзПФЛ сайти хабар бермоқда.
4 май куни тур доирасида иккита учрашув бўлиб ўтди. Бекободнинг «Металлург» клуби ёшлари ўз майдонида Тошкентнинг «Локомотив»ини қабул қилган бўлса, Самарқанд «динамочилари» Ғузорнинг «Шўртан» клубини меҳмон қилишди. Ҳар иккала ўйин ҳам мезбонлар ғалабаси билан якунига етди.
Бекободдаги мағлубият «Локомотив» ёшлари учун мавсумдаги дастлабкиси ҳисобланади. 2 ўйинда ғалаба қозониб, 4та ўйинда дуранг ўйнашган эди. Мавсум давомида ҳали бирор марта ҳам ғалаба қозонмаган «Шўртан» эса ҳали ҳам сўнгги ўринни эгаллаб турибди.
Турнинг дастлабки учрашуви 3 май куни бўлиб ўтганди. Қолган учрашувлар 5-7 май кунлари ўтказилади.
Ёшлар Биринчилиги, 7-тур учрашувлари
4 май, жума
«МЕТАЛЛУРГ» (Бекобод) – «ЛОКОМОТИВ» (Тошкент) 2:1 (0:0)
Ҳакамлар: Ш. Пўлатов (Тошкент), И. Зоитов, Р. Маҳмудов, М. Муҳамедов.
Назоратчи: Ғ. Каримов (Тошкент).
Голлар: А. Зиёвутдинов (70), Г. Ҳалимтаев (81) – Н. Гурьянов (67).
Огоҳлантиришлар: К. Абрамов (10), С. Усмонхўжаев (17), И. Алибоев (58), С. Маҳмудов (87), Б. Юлдашев (90+2), С. Аҳмадкаримов (барчаси - «Локомотив», ўйиндан сўнг).
425 томошабин.
«ДИНАМО» (Самарқанд) – «ШЎРТАН» (Ғузор) 1:0 (0:0)
Ҳакамлар: Н. Болтаев (Навоий), Ш. Қамаров, С. Ҳакимов, Д. Қудратов.
Назоратчи: Б. Галеев (Урганч).
Гол: У. Набиев (90).
Огоҳлантиришлар: О. Тайлақов (18), И. Холмирзаев (32), А. Бозоров (35) – Х. Муртазоев (45).
453 томошабин.
