Бразилиялик чап қанот ҳимоячиси Фабио Аурелио Неймар ҳақида гапирар экан, «ПСЖ» форварди Жаҳон чемпионати ва «Олтин тўп»ни қўлга кирита олмагани ҳақида гапириб, Неймарнинг ўрнида бўлганида ҳафсаласи пир бўлишини айтганди.

Неймар Лига 1нинг 32-турида «Марсел»га урган голидан сўнг (2:1) Аурелиога "Инстаграм" орқали жавоб берди.

«Мен бу собиқ футболчиларнинг бемаъни гапларни айтиш учун оғзини очадиганлардан чарчадим.

Беш дақиқалик интервью ва у фақат бошқа одамларнинг ҳаёти ҳақида гапирди. Агар танқид қилмоқчи бўлсангиз, танқид қилинг. Лекин бундай ахлатни тўкиш мумкин эмас", - дея қўшимча қилди Неймар видеомурожаатида.