Испания чемпионатининг 32-туридан ўрин олган сўнгги ўйинда «Барселона» ўз майдонида сенсацион тарзда «Кадис»га имкониятни бой берди – 0:1.
Ушбу муваффақиятсизлик «кўк-анорранглилар» мухлисларининг Ла Лигадаги чемпионликни қўлга киритиш орзуларига амалда чек қўйди, шунингдек, Германиянинг «Айнтрахт» клубидан мағлубиятга учраб, Европа Лигасидан чиқиб кетганидан кейинги кетма-кет иккинчи омадсиз учрашув сифатида тарихда қолди.
Шу тариқа, «Барселона» ўз уйида кетма-кет икки ўйинда, икки чемпионатда мағлуб бўлди. Бу охирги марта 2002-2003 йилги мавсумда Радомир Антич қўл остида содир бўлган. Ўшанда катлонияликлар ўз уйида «Депортиво»га 2:4 ҳисобида ютқазган ва бир неча кундан кейин Чемпионлар Лигаси плей-офф босқичида «Ювентус»га 1:2 ҳисобида мағлуб бўлиб, халқаро майдондаги юришини ҳам тўхтатган.
