Тартиб-интизом қўмитасининг навбатдаги йилиғишида Ўзбекистон Олий Лигаси ҳамда Ўзбекистон Биринчилиги биринчи босқичи ўйинларидаги қоидабузарликлар юзасидан қарорлар чиқарилди. Бу ҳақда ЎзПФЛ расмий сайти хабар бермоқда.
Олий Лига
«Бухоро»га қарши 5-тур учрашувида рақиби қорнига қўли билан ургани учун майдондан четлатилган «Шўртан» ҳимоячиси Ҳамза Каримов 2та учрашувга дисквалификация қилинди ва жаримага тортилди.
«Локомотив»га қарши 6-тур учрашувида рақиби оёғига қасддан зарба бергани учун майдондан четлатилган «Пахтакор» ҳимоячиси Кахи Махарадзе 1та учрашувга четлатилди ва жаримага тортилди.
Биринчи Лига
«Ёшлик»га қарши 5-тур учрашувида, ўйин тўхтатилган вақтда рақибига қўли билан зарба бергани учун майдондан четлатилган «Хоразм» ҳимоячиси Темур Турдиев 3та ўйинга дисквалификация қилинди.
«Бунёдкор-2»га қарши 6-тур учрашувида рақибига жароҳат етказиш мақсадида жуда катта куч билан зарба бергани учун майдондан четлатилган «Пахтакор-2-Чилонзор» яримҳимоячиси Аббосбек Махсталиев 4та ўйинга дисквалификация қилинди.
«Ғаллакор-Автомобилчи»га қарши 6-тур учрашувида қоидаларни қўпол равишда бузгани учун майдондан четлатилган «Сурхон-2011» ҳужумчиси Низомжон Норов 4та ўйинга дисквалификация қилинди.
«Сўғдиёна»га қарши 6-тур учрашувида ҳакам шаънига номаъқул сўзларни айтгани учун майдондан четлатилган «Насаф-2» яримҳимоячиси Илёс Пардаев 4та ўйинга четлатилди.
«Нефтчи»га қарши 6-тур учрашувида рақиби оёғига қасддан зарба бергани учун четлатилган «Чуст-Пахтакор» яримҳимоячиси Элмурод Сотиволдиев 3та ўйинга дисквалификация қилинди.
«Гулистон»га қарши 6-тур учрашувида ҳакамни ҳақорат қилгани учун майдондан четлатилган «Оқтепа» мураббийи Воҳид Холбоев 2та ўйинга дисквалификация қилинди ва огоҳлантирилди. Бу каби ҳолатлар такрорланадиган бўлса, яна-да қаттиқроқ чоралар кўрилади.
