"Порту" ва "Челси" клубларининг собиқ бош мураббийи ёзда "Валенсия" бошқарувига келишдан бош тортди.
"Биламан, клуб Виллаш-Боашга алоқага чиққан. Лекин музокаралар муваффақиятсиз тугаган. Унда аллақачон бошқа вариант борга ўхшаяпти.
"Рома" ёки бошқа бир клуб билан шартнома имзолаган-имзоламаганини айта олмайман. Лекин аниқ айтишим мумкинки, бу ишда кимдир "Валенсия"дан эпчилироқ чиққан", – дея испан клуби матбуот хизмати ходими Риккардо Лаццари сўзларидан иқтибос келтирмоқда Rete Sport Radio.
"Валенсия"нинг айни дамдаги мураббийи Унаи Эмерига тўхталадиган бўлсак, у ёзда клубни тарк этиши эҳтимоли жуда юқори. Аввалроқ хабар қилинганидек, мутахассисга Москванинг "Спартак" клуби қизиқиш билдирмоқда.
