«Реал Мадрид» бош мураббийи Карло Анчелотти «қироллик клуби»нинг келажаги клуб президенти Флорентино Перес туфайли порлоқ, деб ҳисоблайди.
«Жамоага қандай футболчилар қўшилган бўлишидан қатъий назар, «Реал Мадрид» Перес туфайли кейинги йилларда ҳам энг юқори савияда ўйнашда давом этади», - дея Анчелотти сўзларини келтирган журналист Фабрицио Романо.
32-турдан кейин «қаймоқранглилар» Испания Ла Лигаси турнир жадвалида ишончли тарзда пешқадамлик қилмоқда ва энг яқин таъқибчиси «Барселона»дан 15 очкога ўзиб кетди. Шунингдек, Анчелотти шогирдлари Чемпионлар лигасининг ярим финалига йўл олишди ва у ерда «Манчестер Сити» билан тўқнаш келишди.