Парижнинг «ПСЖ» клуби ёзда аргентиналик уч нафар футболчи билан хайрлашишни режалаштирмоқда, деб хабар беради L'Equipe.

Манбага кўра, Анхель Ди Мария, Леандро Паредес ва Мауро Икарди жамоани тарк этиши мумкин. Париж клуби раҳбарияти 34 ёшли Ди Мария билан шартномани узайтирмоқчи эмас. Паредеснинг жамоа ичидагилар билан келишмовчиликлари бор, Икардининг ўйини эса қониқарсиз деб баҳоланмоқда. Бироқ, Лионель Месси жамоада қолади.

Ди Мария жорий мавсумда «ПСЖ» сафида 25 та ўйинда майдонга тушиб, 3 та гол ва 4 та голли узатмани амалга оширди. 29 ёшли Икарди 30 ўйинда 5 та гол урган бўлса, 27 ёшли Паредес мавсумнинг 23 та ўйинида 1 та гол ва 2 та голли узатмани амалга оширган.