«Барселона» ҳужумчиси Абдессамад Эззалзули ёзги трансфер ойнасида «Рома»га ўтиши мумкин. Италия клуби бош мураббийи Жозе Моуриньо 20 ёшли футболчини ўз жамоасига таклиф қилмоқчи. Бу ҳақда Corriere dello Sport хабар бермоқда.
Манбага кўра, римликлар 20 ёшли марокашлик футболчи учун 10 миллион евро таклиф қилишади.«Барселона» Эззалзулини сотишга рози бўлиши мумкин, чунки клуб айни пайтда қўшимча маблағга муҳтож бўлиб турибди. Бироқ, қайта сотиб олиш опцияси битимга киритилиши мумкин.
Эззалзули «Барселона»га 2021 йилнинг ёзида «Геркулес»дан келиб қўшилган эди. У «кўк-анорранглилар» жамоаси асосий таркибдаги 12 учрашувда битта гол урган.
