«Милан» клуби раҳбариятида ўзгариш бўлса, «россонерилар» бир вақтнинг ўзида бир нечта машҳур футболчиларни сотиб олишни режалаштирмоқда, деб хабар беради Gazzetta dello Sport.

Италия клубини сотиб олиш бўйича Баҳрайнда жойлашган Investcorp инвестиция компанияси томонидан музокаралар олиб борилмоқда. Битим суммаси 1 миллиард еврога баҳоланмоқда.

Манба берган хабарга кўра, «Милан» эгаси ўзгарган тақдирда клуб «Реал»нинг икки нафар футболчиси Иско ва Асенсио ҳамда «Манчестер Сити» вингери Раҳим Стерлингни сотиб олишга ҳаракат қилади.

Олдинроқ «Милан»нинг янги хўжайинлари янги трансферлар учун 300 миллион ажратиши мумкинлиги ҳақида хабарлар тарқалган эди.