Мадриднинг «Реал» клуби раҳбарлари ёзда Лондоннинг «Челси» клубининг англиялик ҳимоячиси Рис Жеймс учун даҳшатли сумма тўлашга тайёр.
Инсайдер Экрем Конурнинг сўзларига кўра, «қаймоқранглилар» «Челси»нинг 22 ёшли футболчи учун тахминан 70 миллион евро тўлашга тайёр. Лондон жамоаси Жеймсни молиявий қийинчиликлар туфайли сотиб юбориши мумкин. Эслатиб ўтамиз, Риснинг «Челси» билан амалдаги шартномаси 2025 йилнинг июнига қадар амал қилади.
Жорий мавсумда Рис Жеймс Англия Премьер лигасида 19 та ўйин ўтказиб, 5 та гол ва 6 та голли узатмага муаллифлик қилган.
