«РБ Лейпциг» ярим ҳимоячиси Конрад Лаймер келаси ёзда «Бавария»га ўтиши мумкин. Bild журналисти Кристиан Фалк хабарига кўра, футболчинига Юлиан Нагелсманн қизиқиш билдирмоқда. Сабаби футболчи ва мураббий олдинроқ «буқалар» сафида бирга ишлаган.

Манбага кўра, ўтган ёзда «Бавария» футболчи учун «РБ Лейпциг»га мурожаат қилган, аммо клуб рад жавобини берган. Ўша мавсумда «Бавария» «буқалар»дан яна бир ярим ҳимоячи Марсел Забитцерни 15 миллион еврога сотиб олди.

Жорий мавсумда Лаймер «РБ Лейпциг» сафида 22 та ўйинда майдонга тушиб, 4 та гол ва 4 та голли узатмани амалга оширди.