УЕФА Франциянинг «Марсель» клубини Грециянинг ПАОК жамоасига қарши Конференция лигаси 1/4 финал жавоб ўйини якунлари бўйича жаримага тортди.
«Велодром" стдионидаги Virage Nord трибунаси УЕФА ҳомийлигидаги кейинги ўйинда ёпиқ бўлади. Бундан ташқари, «Марсель» клуб мухлисларнинг ҳатти-ҳаракталари сабабли 80 минг евро миқдорида жаримага тортилди. Бундан ташқари, стадионга кириш ва унинг атрофидаги муаммолар учун 18 000 евро жарима солинади», - дейилади УЕФА хабарида.
Қолаверса, ПАОК мухлисларига Еврокубокларда сафар ўйинига чипта сотиш тақиқланган. Жамоа мухлисларнинг "Велодром" стадионига турли буюмларни улоқтиргани ва файрлар учун 50 минг евро миқдорида жаримага тортилди. Қолаверса, ПАОК «Велодром»га етказилган зарар ва грециялик мухлисларининг ҳаракатлари туфайли товон пули тўлаш масаласини ҳал қилиш учун «Марсель» билан боғланиши керак.
«Марсель» Конференция лигасининг ярим финалига йўл олди. Францияликлар ярим финалда «Фейеноорд» билан тўқнаш келади.
Дастлабки ўйинлар 28 апрель куни, жавоб ўйинлари 5 май куни бўлиб ўтади.