UYEFA Fransiyaning «Marsel» klubini Gresiyaning PAOK jamoasiga qarshi Konferensiya ligasi 1/4 final javob o‘yini yakunlari bo‘yicha jarimaga tortdi.
«Velodrom" stdionidagi Virage Nord tribunasi UYEFA homiyligidagi keyingi o‘yinda yopiq bo‘ladi. Bundan tashqari, «Marsel» klub muxlislarning hatti-haraktalari sababli 80 ming yevro miqdorida jarimaga tortildi. Bundan tashqari, stadionga kirish va uning atrofidagi muammolar uchun 18 000 yevro jarima solinadi», - deyiladi UYEFA xabarida.
Qolaversa, PAOK muxlislariga Yevrokuboklarda safar o‘yiniga chipta sotish taqiqlangan. Jamoa muxlislarning "Velodrom" stadioniga turli buyumlarni uloqtirgani va fayrlar uchun 50 ming yevro miqdorida jarimaga tortildi. Qolaversa, PAOK «Velodrom»ga yetkazilgan zarar va gresiyalik muxlislarining harakatlari tufayli tovon puli to‘lash masalasini hal qilish uchun «Marsel» bilan bog‘lanishi kerak.
«Marsel» Konferensiya ligasining yarim finaliga yo‘l oldi. Fransiyaliklar yarim finalda «Feyenoord» bilan to‘qnash keladi.
Dastlabki o‘yinlar 28 aprel kuni, javob o‘yinlari 5 may kuni bo‘lib o‘tadi.
