Афсонавий бразилиялик футболчи Пеле яна касалхонага ётқизилди. Бу ҳақда ESPN.com.br сайти хабар бермоқда.
Нашрнинг ёзишича, 81 ёшли Пеле Бразилиянинг Сан-Паулу шаҳридаги шифохонага ётқизилган, у аввалроқ кимётерапия сеансларидан ўтган. Жаҳон футболи афсонаси ҳозир Алберт Эйнштейн касалхонасида шифокорлар назоратида. Унинг соғлиғига хавф туғдирмагани айтилмоқда.
Март ойи бошида Пеле инфекциядан даволаниб, ушбу шифохонадан чиқарилган эди. Аввалроқ, бразилиялик йўғон ичакдаги ўсмани олиб ташлаш учун операция қилинган. Сўнгги пайтларда Пеле олдинги соғлиғи билан боғлиқ муаммолар фонида шаклланган бир қатор касалликлар билан курашмоқда.
