Аргентиналик мутахассис Матиас Алмейда АҚШнинг «Сан-Хосе» клуби бош мураббийи лавозимини тарк этди. Бу ҳақда МЛС клуби расмий сайти хабар бермоқда. У билан бирга Умар Зариф, Бенжамин Галиндо ва Карлос Роалар ҳам мураббийлар штабини тарк этишди.

Алекс Ковело бош мураббий вазифасини бажарувчи этиб тайинланди. Бунгача 43 ёшли испаниялик мутахассис «Сан-Хосе»ни иккинчи жамоасини бошқарган. Унинг мураббийлар штабига «Сан-Хосе» сафида 401 та ўйин ўтказиб, 176 та гол ва 39 та голли узатмани амалга оширган клуб афсонаси Крис Вондоловски ҳам киритилган.

Жорий мавсумда «Сан-Хосе» Матиас Алмейда бошчилигида 7 та ўйин ўтказди, 4 та мағлубият ва 3 та дуранг қайд этди. Жамоа чемпионатда энг кўп гол ўтказиб юборди - 17 та. Ғарбий конференцияда «Сан-Хосе» охирги ўринда бормоқда.