"Ливерпуль" АПЛ жорий мавсумида "Манчестер Юнайтед" дарвозасига иккита ўйинда 9 та гол урди.

Бош мураббий Юрген Клопп жамоаси Англия чемпионатининг 30-туридан ўрин олган ўйинда манкунианликлар устидан ғалаба қозонди (4:0).

Бу жамоаларнинг жорий мавсумдаги иккинчи учрашуви эди. 2021 йил 24 октябрь куни “Ливерпуль” “Олд Траффорд”да “Манчестер Юнайтед” устидан йирик ғалабага эришганди (5:0).

"Юнайтед"ни биринчи ўйинда Оле-Гуннар Сульшер, иккинчи ўйинда эса Ральф Рангник бошқариб борди.

Жорий мавсумдаги икки учрашувнинг умумий натижаси 9:0 мерсисайдликлар фойдасига.