Миланнинг «Интер» клуби дербида ҳамшаҳарини мағлуб этиб, финалга йўл олди.
Италия кубоги доирасидаги «Интер» ва «Милан» ўртасидаги жавоб учрашуви «нерадзуррилар»нинг 3:0 ҳисобидаги ғалабаси билан якунланди. Эслатиб ўтамиз, биринчи ўйин 0:0 ҳисобида якунланганди.
Шу тариқа, «Интер» 2010/11 йилги мавсумдан буён илк бор мусобақа финалида иштирок этади. Ўшанда «кўк-қоралар» «Палермо»ни мағлуб этиб (3:1) кубокни боши узра кўтарган эди. Финал учрашувидаги голларга Самуэл Эт'О (икки марта) ва Диего Милито муаллифлик қилишган.
«Интер»нинг бўлажак финалдаги рақиби эртага «Ювентус» – «Фиорентина»га қарши ўйин натижаларига кўра аниқланади. Биринчи ўйинда Турин клуби меҳмонда минимал ҳисобда ғалаба қозонди.
