Мадриднинг «Реал» жамоаси вингер Винисиус Жуниор билан шартномасини узайтиради, дея хабар беради журналист Фабрицио Романо.
Манбага кўра, «қаймоқранглилар» ёш футболчига 2027 йилгача шартнома таклиф қилмоқчи. Футболчининг амалдаги шартномаси 2024 йилнинг ёзига қадар мўлжалланган.
Винисиус «Реал»га 2018 йилда «Фламенго»дан 45 миллион евро эвазига ўтган эди. 21 ёшли бразилиялик футболчи трансфермаркт томонидан 100 миллион еврога баҳоланган.
Ҳужумчи жорий мавсум «Реал» сафида 44 та ўйинда майдонга тушиб, 17 та гол урди ва 17 та голли узатмани амалга оширди.
