"Динамо" ва "Шўртан" (1:0) жамоалари ўртасидаги учрашув ниҳоясига етгач, иккала жамоа бош мураббийлари иштирокида матбуот анжумани бўлиб ўтди. Дастлаб Аҳмад Убайдуллаев саволларга жавоб қайтарди.
- "Динамо" биринчи бўлимда сал ҳадиксиради, иккинчи бўлимда ташаббусни ўз қўлига олди. Танаффусда қандай йўриқномалар бергандингиз?
- Бу нарса сир, айтилмайди...
- Суннатилла Мамадалиев качондан бошлаб асосий таркибда тушади? "Динамо"нинг кетма-кет муваффакиятли уйинлари сири нимада? Психологик ишлар олиб борилдими?
- Ўзи "Насаф", "Пахтакор", "Нефтчи"га қарши ҳам жамоамиз аслида жуда яхши уйнаган. Биз ўшанда вазиятлардан фойдалана олмаганмиз ва ягона хато эвазига гол ўтказганмиз. Жамоада қандай ишлаган бўлсак, шундай ишлашда давом этяпмиз. Жамоамизни ўзаги бўлиб турган 6-7 нафар уйинчи кетди. Янги жамоа уйинини тиклаш устида ишлаяпмиз.
- Сизни ҳимоявий ўйинни яхши ташкил қиладиган мураббий сифатида таниймиз. Кейинги вақтларда икки ҳужумчи билан ҳаракат қиляпсиз...
- Илтимос, Осиё ўйинларидаги ўйинимизни ҳадеб эсга олаверманглар. Футболчиларга қараб тактика танланади ахир. Ҳозир "Динамо" бошқа жамоа. Кейин "Пахтакор" билан келишувимиз бор. Рўзимбойни ўзаро ўйинда майдонга туширмаслик буйича. Қолган уйинларда Ахмедов Нагаев билан тандем бўлиб харакат килмокда. Ўйлашимча, ҳимоя чизиғимиз ҳам яхши ҳаракат қиляпти.
