«Ливерпуль» ярим ҳимоячиси Фабиньо Англия Премьер-лигасининг 30-туридан ўрин олган «Манчестер Юнайтед»га (4:0) қарши ўйиндан сўнг, Англия чемпионати чемпионлиги учун кечадиган кураш ҳақида гапирди.
«Аввало, бор этиборимизни ўйинларга қаратишимиз ва уларнинг ҳар бирида ғалаба қозонишга ҳаракат қилишимиз керак. Энди «Манчестер Сити» бироз босим сезаётгандир. Шахсан мен «Манчестер Сити» ўйинларини томоша қиламан, лекин айтганимдек, биз биринчи навбатда ўзимизга ва ўйинларимизга эътибор қаратишимиз керак», – дея Фабиньонинг сўзларини келтиради «Ливерпуль» матбуот хизмати.
«Ливерпуль» 32 ўйинда 76 очко тўплаган ва 2021/2022 йилги мавсумда Англия Премьер-лигаси турнир жадвалида биринчи ўринда бормоқда. «Манчестер Сити» (74) - 2-ўринда.
