Лондоннинг «Тоттенхэм» клуби ўз ҳужумчиси ва клуб тарихидаги энг яхши тўпурар Харри Кейн билан хайрлашмоқчи эмас.
Фабрицио Романонинг ижтимоий тармоқларда ёзишича, «шпорлар» инглиз футболчисини жамоада сақлаб қолиш учун ҳар қандай имкониятни ишга солишга тайёр.
Манбага кўра, Кейнни сақлаб қолиш - «Тоттенхэм» бош мураббийи Антонио Контенинг асосий талаби бўлиб, у келгуси мавсумларда клубнинг етакчилик амбицияларини кучайтиришга бел боғлаган. Айнан Конте ва спорт директори Фабио Паратичи туфайли Кейн клуб лойиҳасига кўпроқ ишона бошлади.
Эслатиб ўтамиз, «Тоттенхэм» сўнгги 5 ўйинда 4 та ғалабага эришди. Бу ўйинларда «шпорлар» 14 та гол уриб, атиги 3 та гол ўтказиб юборишган.
