Londonning «Tottenxem» klubi o‘z hujumchisi va klub tarixidagi eng yaxshi to‘purar Xarri Keyn bilan xayrlashmoqchi emas.

Fabrisio Romanoning ijtimoiy tarmoqlarda yozishicha, «shporlar» ingliz futbolchisini jamoada saqlab qolish uchun har qanday imkoniyatni ishga solishga tayyor.

Manbaga ko‘ra, Keynni saqlab qolish - «Tottenxem» bosh murabbiyi Antonio Kontening asosiy talabi bo‘lib, u kelgusi mavsumlarda klubning yetakchilik ambisiyalarini kuchaytirishga bel bog‘lagan. Aynan Konte va sport direktori Fabio Paratichi tufayli Keyn klub loyihasiga ko‘proq ishona boshladi.

Eslatib o‘tamiz, «Tottenxem» so‘nggi 5 o‘yinda 4 ta g‘alabaga erishdi. Bu o‘yinlarda «shporlar» 14 ta gol urib, atigi 3 ta gol o‘tkazib yuborishgan.