Кеча Англия Премьер-лигаси қолдирилган 30-тури доирасидаги учрашувда «Манчестер Юнайтед» «Ливерпуль»дан 4 та жавобсиз гол ўтказиб юбориб, йирик мағлубиятга учради.

«Қизил иблислар» мухлислари мағлубиятнинг асосий сабабчиси дея «Манчестер Юнайтед» сардори ва футбол тарихидаги энг қиммат ҳимоячилардан бири Гарри Магуайр деб ҳисоблашмоқда.

Ўйиндан сўнг мухлисларнинг фикрлари ўта кескин эди. Гарри «Унинг майдондаги позицияси қани?», «Нега у майдон марказида қолади?», «Магуайр даҳшатли хатолар қилади», «У Премьер-лига даражасидаги футболчими?» каби кескин танқидларга учрамоқда. Умуман олганда, «Манчестер Юнайтед» мухлислари бир овоздан жамоанинг «Ливерпуль»га қарши ўйиндаги муваффақиятсизлиги айбдори Магуайр дея фикр билдирмоқда.