Kecha Angliya Premyer-ligasi qoldirilgan 30-turi doirasidagi uchrashuvda «Manchester Yunayted» «Liverpul»dan 4 ta javobsiz gol o‘tkazib yuborib, yirik mag‘lubiyatga uchradi.

«Qizil iblislar» muxlislari mag‘lubiyatning asosiy sababchisi deya «Manchester Yunayted» sardori va futbol tarixidagi eng qimmat himoyachilardan biri Garri Maguayr deb hisoblashmoqda.

O‘yindan so‘ng muxlislarning fikrlari o‘ta keskin edi. Garri «Uning maydondagi pozisiyasi qani?», «Nega u maydon markazida qoladi?», «Maguayr dahshatli xatolar qiladi», «U Premyer-liga darajasidagi futbolchimi?» kabi keskin tanqidlarga uchramoqda. Umuman olganda, «Manchester Yunayted» muxlislari bir ovozdan jamoaning «Liverpul»ga qarshi o‘yindagi muvaffaqiyatsizligi aybdori Maguayr deya fikr bildirmoqda.