Дортмунднинг «Боруссия» клуби ҳужумкор ярим ҳимоячиси Юлиан Брандт ўзининг келажак режалари билан ўртоқлашди.
«Боруссия» ярим ҳимоячисини бошқа клублар мунтазам ўз сафига чорлаб келишади. Хусусан, Брандтга Лондоннинг «Арсенал» клуби жиддий қизиқиш билдирмоқда.
“Бошқа жамоага ўтиш ҳақида ўйламайман. Мен бор эътиборимни «Боруссия»да ўйнашга қаратганман ва ҳаммаси менга мос келади. Бу ердаги вақтим тугаяпти деб ўйламайман.
Мени миш-мишлар қизиқтирмайди ва улар матбуотда нималар ҳақида ёзаётганидан унчалик ташвишланмайман. Мураббийнинг мен ҳақимда нима дейиши менга қизиқ. Бошқа клубга ўтиш ҳақида гапирадиган бўлсак, ҳар мавсумда мени 35 марта «сотишади». Агар мен бунга эътибор берадиган бўлсам, кечалари ухлай олмасдим», деди Брандт.
