Dortmundning «Borussiya» klubi hujumkor yarim himoyachisi Yulian Brandt o‘zining kelajak rejalari bilan o‘rtoqlashdi.

«Borussiya» yarim himoyachisini boshqa klublar muntazam o‘z safiga chorlab kelishadi. Xususan, Brandtga Londonning «Arsenal» klubi jiddiy qiziqish bildirmoqda.

“Boshqa jamoaga o‘tish haqida o‘ylamayman. Men bor e’tiborimni «Borussiya»da o‘ynashga qaratganman va hammasi menga mos keladi. Bu yerdagi vaqtim tugayapti deb o‘ylamayman.

Meni mish-mishlar qiziqtirmaydi va ular matbuotda nimalar haqida yozayotganidan unchalik tashvishlanmayman. Murabbiyning men haqimda nima deyishi menga qiziq. Boshqa klubga o‘tish haqida gapiradigan bo‘lsak, har mavsumda meni 35 marta «sotishadi». Agar men bunga e’tibor beradigan bo‘lsam, kechalari uxlay olmasdim», dedi Brandt.