«Манчестер Сити» бош мураббийи Хосеп Гвардиола яна бир чўққини забт этди.

Испаниялик мутахассис «Манчестер Сити» бошқарувидаги барча турнирлар доирасида 344 та ўйинда 250-ғалабасига эришди. Бу инглиз клублари мураббийлари орасидаги энг юқори натижа ҳисобланади.

Иккинчи ўриндан «Челси», «Манчестер Юнайтед» ва «Тоттенхэм»нинг собиқ мураббийи Жозе Моуриньо ўрин олган бўлиб, португалиялик мутахассис 250 та ғалаба учун 396 учрашув ўтказган. Рейтингдан кейинги ўринларни Кенни Далглиш (429), Арсен Венгер (433) ва Дон Реви (439) жой олган.

Хосеп Гвардиола 2016/17 йилги мавсум бошидан буён «Манчестер Сити»га устозлик қилиб келади.