«Арсенал» шанба оқшомида Англия Премьер-лигаси доирасида ўз майдонида «Эвертон»га қарши ўйин ўтказмоқда. Биринчи бўлим давом этаётган бир вақтда «канонирлар» устози Микель Артета мажбурий ўзгаришни амалга оширишига тўғри келди. Ҳимоячи Юррьен Тимбер жароҳат олди. 38-дақиқада унинг ўрнига шошилинч равишда Кристиан Москера майдонга тушди.
Биринчи бўлимдан сўнг «Эмирейтс» стадионидаги таблода 0:0 ҳисоби қайд этилиб турибди.
«Арсенал» Премьер-лигада пешқадамлик қилмоқда. Иккинчи ўриндаги «Манчестер Сити» битта кам ўйин ўтказган ҳолда етти очкога ортда қолмоқда.
