«Реал» Испания чемпионатининг 28-тури доирасидаги ўз майдонида кечган баҳсда «Эльче»ни мағлуб этди — 4:1.
Мезбонлар таркибида Антонио Рюдигер, Федерико Вальверде, Дин Хёйсен ва Арда Гюлер гол уришга муваффақ бўлишди. «Реал» ҳимоячиси Мануэль Анхель эса ўз дарвозасини ишғол қилиб қўйди.
Гюлер 68 метр масофадан йўллаган зарбаси билан гол урди. Бу Испания чемпионати тарихидаги энг узоқ масофадан урилган гол бўлиб, уни 2004 йилда «Нумансия» футболчиси Антонио Хосенинг «Севилья» дарвозасига йўллаган зарбаси билан қиёслаш мумкин. Шу билан бирга, 1995 йилдан бери «Реал»нинг бирор-бир футболчиси Ла Лигада ўз майдони ярмидан гол урмаган эди. Охирги марта бундай натижани Микель Ласа «Севилья»га қарши ўйинда (58 метрдан) қайд этганди.
«Реал» барча турнирларда кетма-кет учинчи ғалабасини қўлга киритди. Жамоа 28 та ўйиндан сўнг 66 очко билан Испания чемпионати жадвалида иккинчи ўринни эгаллаб турибди.
«Эльче»нинг ғалабасиз серияси 12 та ўйинга етди. Жамоа Ла Лига жадвалида 17-ўринда бормоқда (28 ўйиндан сўнг 26 очко).
Испания Ла Лигаси. 28-тур
14.03.2026 | 01:00
«Сантьяго Бернабеу», Мадрид
«РЕАЛ МАДРИД» — «ЭЛЬЧЕ» — 4:1
Голлар: Рюдигер 39 (1:0), Вальверде 44 (2:0), Хейсен 66 (3:0), Мануэль Анхель 85 — автогол (3:1), Арда Гюлер 89 (4:1).
«Реал Мадрид»: Куртуа, Рюдигер (Д. Агуадо, 61), Хейсен, Ф. Гарсия, Карвахаль, Тчуамени (Арда Гюлер, 58), Питарч (Паласиос, 64), Камавинга, Вальверде (Г. Гарсия, 58), Винисиус Жуниор (Янез, 58), Диас (Мануэль Анхель, 63).
«Эльче»: Дитуро, Петро (М. Агуадо, 64), Аффенгрюбер (Бигас, 74), Чуст, Валера, Сангаре (Педроса, 23), Редондо (Мир, 64), Фебас, Сепеда (Хосан, 64), Андре Силва, Нето (Диангана, 74).
Огоҳлантиришлар: Камавинга (55) — Валера (62), Аффенгрюбер (66), Мир (88).
